Naast columnist is de heer Bris Mahabier ook een schrijver van gedichten. Hij zal regelmatig ook zijn gedichten met u delen. 

bagle ke Liel boiti men

biyáh ke lambá andheriyá rát bital

bándhal masál butal

tenti dekháy tani nirásh

suraj ke shakti bisál

jangal ke phophar se

dhire-dhire purb se phailal ajoryá

suru bhail nawá saber

áil ab judái ke belá

 

dishá-phráhkit tani muskil

cáh-páni, dál-bhát-kharhi

garme-garm khicchari ke bád

páirá baral, lahkal ági

dhaphalci-bábá dhaplá ke dhun se

bidái ke wakt cetáis

dán-dahej ladán

rán-parosi sab bandhu cup-cáp

bahin bhái, má beti sushkin

ánsu ke sahárá se batwárá bhain

dulhá-dulhin baithin

bul gári ghicis

kuch baráti sáthi banin

gári ke piche-phiche

 

samay dharm ragrá ke rahá

hindu jajmán ná dihin newtá

Khán kisán apne khét men

islámi-himmat se kahin

pahicán puráná, lekhin áj-kál

ná ristá

ná newtá

ná rastá !

himmatti Baccu bahnoi gári hánkis

tab baráti ke phir boli nikral

 

Bris Mahabier, Den Haag 1978